ОНХөгжлийн сангийн хөрөнгөөр хийгдэж байгаа ажлын явцад сумын ИТХурлын хяналтын хороо 2021 оны 10 дугаар сарын 14-нд хяналт хийлээ.
Орон нутгийн хөгжлийн сангиийн хөрөнгөөр “Цэцэрлэгт хүлээлэнгийн тохижилт”-ийн ажлыг “Алтан арвай мөнх” ХХК нь уг ажлыг 15000000 /арван таван сая/ төгрөгөөр цэцэрлэгт хүрээлэнгийн чийрэгжүүлэлтийн тоног төхөөрөмж 10-аас доошгүйг 10х20 метрийн талбайд суурилуулах, улиас мод 88 ширхэгийг тарьж тохижуулахаар 2021 оны 09 дүгээр сарын 06-ны өдөр №ӨВАТАСЗДТГ/202101012 дугаартай гэрээ байгуулж, 2021 оны 10 дугаар сарын 15-ны өдрийн дотор хүлээлгэж өгөхөөр гэрээнд заасан байна.
“Цэцэрлэгт хүрээлэнгийн тохижилт”-ийн ажлын явц, чанарын талаар дараах зөрчлүүдийг арилгаж, хариуг эргэн мэдэгдэх албан тоотыг Засаг даргад хүргүүллээ. Үүнд:
- “Цэцэрлэгт хүрээлэнгийн тохижилт”-ийн ажлыг төсөвт өртөгийн дагуу чанартай хийлгэх.
- Техникийн тодорхойлолтын дагуу талбайн хэмжээг 10х20 хэмжээтэй, стандартын дагуу дахин цутгуулах
- Талбайн хэмжээг техникийн тодорхойлолтын дагуу хийж, чийрэгжүүлэлтийн төхөөрөмжүүдийг зайтай байрлуулж, бэхэлгээг сайн хийлгэх