Өвөрхангай аймгийн Тарагт сумын нутаг Онгийн голын ойролцоо  Хайрга олборлох зориулалтаар олгогдсон 100 га газрын асуудлаар аймаг, сумын удирдлагууд, сумын ИТХ-ын төлөөлөгчид, Хайрга олборлож буй аж ахуйн нэгжийн төлөөлөл, нутгийн иргэдийн төлөөлөл оролцсон уулзалтыг газар дээр нь зохион байгууллаа. 

     Тус уулзалтын хүрээнд Хайрга олборлож буй газрын нөхцөл байдал, цаашид авч хэрэгжүүлэх арга хэмжээний талаар уулзалтад оролцогчид санал солилцож, гарц гаргалгааг эрэлхийлсэн бөгөөд өмнө ашиглаж байсан талбайг нөхөн сэргээж, цаашид олборлох газрын асуудлыг багийн Иргэдийн Нийтийн Хурлаар хэлэлцүүлж хууль, эрх зүйн хүрээнд шийдвэрлэхээр болсон юм.